بقلم مصطفى التاقي
عرفتو هاد السيد فكولشي كيسول .. كيفاش واحد برتغالي متحمس مع المنتخب المغربي لهاد الدرجة فوسط فرحة التأهل وكاميرات العالم كلها مركزة مع محمد وهبي واللاعبين، كاين واحد الراجل آخر عايش المباراة بطريقة مختلفة .. جواو ساكرامينتو .. هذا راجل ماشي مغربي وما تزادش في المغرب، ولكن إلا شفتيه في الدكة غادي تحلف أنه واحد منا .. كيقرا سورة الفاتحة مع اللاعبين، كيندامج مع النشيد الوطني، و مع اي هجمة وكل فرصة ضائعة بحال إلا مستقبلو كاملو مرتابط بيها
محمد وهبي كان قال بعد ما اختار ساكرامينتو، أنه محتاج شخص أجنبي ما كتحكموش العاطفة وعنده انضباط وتكتيك رائع، ولكن إلا شفتيه في المباريات غادي تلقاه ما كيجلس حتى ثانية .. كيجري من بلاصتو للحاسوب، كيرجع عند وهبي، كيهضر ويحلل وكيشوف الثغرات .. حتى الناس لي خدامين في التحليل التقني أكدوا أن ساكرامينتو ماشي مجرد مساعد مدرب، بل هو عقل تحليلي متكامل كيعيش كل تفصيلة صغيرة وكبيرة داخل المباريات
لكن أكثر حاجة خلات المغاربة يحترموه ماشي هي الخدمة ديالو فقط بل الحب ديالو للمنتخب .. فمن بعد التأهل كتب رسالة مؤثرة قال فيها ‘اشتغلت مع فرق كثيرة ومع بعض أعظم اللاعبين في تاريخ كرة القدم، لكن لا شيء يضاهي ما أشعر به مع هؤلاء اللاعبين ” وزاد قال ” هؤلاء اللاعبين هم أكبر فخر في مسيرتي التدريبية ” و وجه رسالة مباشرة للشعب المغربي ” استمروا في الإيمان بهؤلاء اللاعبين ”
الشعب المغربي مفتاخر بيك اخويا حيت وليتي واحد منا كبرو به
إرسال تعليق